Ўзбекистонда 1 августдан давлат ОТМларига кириш тест синовлари бошланди. Тест жараёнлари 13 августга қадар икки сменада ўтказилади.
Олий таълим, фан ва инновациялар вазири Иброҳим Абдураҳмонов ҳам тест синовлари ўтказилаётган бинога ташриф буюриб, ота-оналар билан суҳбатлашди.
Вазирнинг таъкидлашича, бу йилги имтиҳонларда ота-оналар ва абитуриентларга қулайлик яратиш мақсадида барча техник ишлар кўрилган. Қолаверса, бироз кеч келган абитуриентларга ҳам далолатнома асосида тестга киришларига рухсат берилмоқда.
