الف صلي على محمد .. قرة العين
فالزين لي حسنه تفرد .. ياسنا الزين

هذي اميره هي دواء الروح
تاج الجمال عالراس مطروح
الطرق فيها يحلا مع البوح
حصنتها ب طه وياسين .. وقرة العين


شوفو القمر في الارض نور…سيد المزايين
سبحان لي جمل وصور .. بين الملايين

طلت علينا طله رزينه
طله بهيه حُسن وسكينه
لي نورها غطى المدينه
زان الزوايا والميادين .. وكل البلادين



يابنت ثقلون أنتي حكاية .. يافارع التين
مهما وصفنا ماهو كفاية .. المدح تزهين

قد زان فن الطبل فيها
والمدح يتناثر عليها
الشعر متحيز إليها
من حسنها نكتب دواوين..واجمل تلاحين



اما ابوها الشيخ سالم.. نسل المهابين
اللي يهابه كل ظالم .. عدل الميامين
مرفوع راسه شامخ كما الطود
ورث الكرامه والطيب والجود
واذا نخيته حاضر وموجود
شل الثقيله ماقال بعدين ..فعله براهين


بنت الفهيم ماحد كماها..مامنها أثنين
العقل والحجه معاها .. والعلم والدين
ياام غانم يالعز يالخير
الماسه اللي من صقلها غير
تلمع فرح خير وتباشير
ياجنة الخضر البساتين .. فل ورياحين




وخوانها رهن الاشاره .. الملبين
من حولها سد ومناره .. يسار ويمين
وخواتها سحب ومخيله
رحمه ع الناس العليله
لي كنهن جنه ظليله
حصنتهن بالله تحصين .. قولوا امين

خلفش ترى عزوه ودوله.. عز السلاطين
حي الكثيري اهل البطوله .. حي الهمادين
رواس دايم قد الحموله
رواس يفعل كل مايقوله
رواس من يقوى فعوله
وان ثار رواس ثارت براكين.ماضي وذلحين

свернуть