Елімізде темір тұлпар бағасы аспандағалы бері Грузия мен Әзірбайжаннан автокөлік сатып алып жатқандар көбейді. Жүргізушілер бұл елдерде Қазақстандағы бағаға қарағанда көлік құны екі есе арзан екенін айтады. Ал Мемлекеттік кірістер комитеті Еуразиялық экономикалық одаққа кірмейтін үшінші елдерден уақытша кіргізілетін көліктерге ел аумағында бір жыл ғана жүруге рұқсат берілетінін ескертті. Егер мұндай елдерден көлік кіргізіп, ел ішінде алып қаламын десеңіз міндетті түрде кедендік салықтарды төлеуіңіз керек.
Қазір елде Грузия мен Әзірбайжаннан көлік әкеліп тізгіндейтін жүргізушілердің қатары артқан. Олар шетелдік автокөліктердің бағасы Қазақстандағы бағаға қарағанда әлдеқайда арзан екенін айтады. Сондықтан, көп жүргізушілер тиімді қаражатқа сапасы жақсы, әрі таза көлік алу үшін амалсыз шетелге барады екен.
МАҚСАТ СЕЙТМҰХАН, жүргізуші:
— Бізде оның бағасы 2 есе, 3 есе қымбат. Автосалондарда оның бағасы 20 мың долларға жетеді. Сондықтан Грузиядан алуға мәжбүрміз. Арзан, әрі сапасы, жағдайы өте жақсы. Енді бір ұсыныс, біздегі автокөліктердің бағасын төмендетсе.
Ал Мемлекеттік кірістер комитеті Грузия мен Әзірбайжаннан әкелінген көліктерді кедендік тазартудан өткізу қажет екенін ескертеді. Яғни, Заң бойынша Еуразиялық экономикалық одаққа кірмейтін елдерден әкелінген автокөлік иелері кедендік баж бен салықтарды төлеп, ішкі істер органдарында мемлекеттік тіркеуден өткен соң ғана қолдануға болады. Ал Еуразиялық экономикалық одаққа кірмейтін үшінші елдерден уақытша әкелінген көліктермен Қазақстанда бір жыл жүруге ғана рұқсат.
АЙНҰР САРТАЕВА, ҚР ҚМ Мемлекеттік кірістер комитеті басқарма басшысының орынбасары:
— Ал қазіргі уақытта көптеген азаматтар бір жылдан аса осындай автокөлік құралдарын кіргізгеннен бері ешқандай тіркеу өткізбей, кедендік рәсімдерді жүргізбегені белгілі болып отыр. Сондықтан 116 автокөлік құралы тиісті рейдтік шаралар жүргізілудің нәтижесінде уақытша сақтау қоймаларына тоғытылып отыр.
Мемлекеттік кірістер комитетінің мәліметінше, осы жылдың алғашқы алты айында Грузия мен Әзірбайжананн 5 мыңға жуық автокөлік елге кірген. Республика аумағына кірген темір тұлпарлар шекарадан шығарылғанша комитет бақылауында болады.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
Ещё видео!