Ижтимоий тармоқларда ҳам кузатинг:
[ Ссылка ]
КУЗНИНГ БИРИНЧИ КУНИДА ЁЗИЛГАН ШЕЪР
Бу кузга бизлардан алвидо қолди,
Йўллар қолди — гул тахт сари бормаган.
Фақат, ўртамизда бир хато қолди,
Диллар қолди — бир бахт сари бормаган.
Жим яшайверади балки эртага,
Осий юракларга айтолмасдан сўз —
На сен йўқ,
на мен йўқ тарафларда ғам,
На сен бор,
на мен бор тарафларда Куз.
Бу кузга бизлардан алвидо қолди,
Беун кечаларни кечага улаб —
Тўқсон кун жонимда ором йўқолди,
Тўқсон кун дард руҳга босди таврни,
Бағрига қаттиқроқ кўмди сумбула,
Юзлари ивиган сентябрни.
Фалакка нам ютган кўзларин тикиб —
Куз ёнди бемажол боқишларингда,
Гоҳ менли,
гоҳ менсиз хоҳишларингда,
Саросар туйғулар аро ичикиб,
Бу кузга бизлардан алвидо қолди...
Айрилиқлар ичра сарғайди дунё,
Кўтаролмай армон отлиғ шонини.
Бу куз — хазонлардан кафан бичган ё,
Бу куз — алвидолар қабристоними?
Хуш бор!
Қайтма, қайтсанг ахир биласан,
Устингдан бепарво кулади аъвом.
Бу кузни унутсанг, тамом, ўласан,
Бу кузни эсласанг ўласан, тамом.
Бу кузга бизлардан алвидо қолди...
1 сентябр, 2020
![](https://i.ytimg.com/vi/zMwz29YGKP8/maxresdefault.jpg)