«ТУҒАН КҮН»
Аиданың туған күні келіп жетеді. Шетелдегі құрбылары Skype арқылы құттықтауларын жаудырып жатыр. Ал мына үйде ешкім білмейді де. Арман да ұмытып кеткен.
Науат апа Аиданың әр қимылын сынап, ұрысып, көңіл-күйін түсіріп тастайды. Аида Мұқашпен төлқұжатын алуға кетіп қалғанда, үй ішіндегілер тосынсый ұйымдастыра бастайды.
Үйге келсе, көңілсіз жүрген Аида қуанғаннан не дерін білмей, артынан барлығы арқа-жарқа болып, табиғат аясында туған күнді ерекше атап өтеді. Бұл идеяның басында Науат апа тұрғанын білгенде Аида енесін құшақтап, ерекше риза болады.
