2018 жылдың 18-20 қазанында Алматыда III Халықаралық Түркі дүниесі деректі фильмдер фестивалінің қазақстандық бағдарламасы өтті.
Іс-шара ұйымдастырушылары Түркі әлемінің журналистер федерациясы және әл-Фараби атындағы ҚазҰУ.
Биыл кинофестиваль сегіз қатысушы елдің жетекші серіктес университеттерінде өткізіледі, оның ашылуы қазан айының басында Стамбұл университетінде өтті. Бұл шара түркітілдес елдер үшін үлкен әлеуметтік және мәдени маңызға ие. Кинофестивалде Түркия, Қазақстан, Түркіменстан, Қырғызстан, Кипр, Өзбекстан және Ресейдің (Башқұртстан және Татарстан) үздік шығармалары таныстырылды. Фильмдер қазіргі әлеуметтік, мәдени, рухани және қоғамдық маңызы зор тақырыптарға, сондай-ақ жастарды тәрбиелеуге арналған.
Сонымен қатар, іс-шара аясында жақында Түркияда (Османия) өткен фестивалдің «Түркі анасы» атты деректі фильмдерінің көрсетілімі ұсынылды. Фильм кейіпкерлері сегіз түркі елі, соның ішінде Қазақстанның аналары.
Іс-шараға Түркі әлемі журналистер федерациясының президенті Мендерес Демир, Түркия журналистер федерациясының президенті Йылмаз Караджа және басқа да шетелдік қонақтар, деректі фильм түсірушілері мен кинорежиссерлер, қоғамдық және БАҚ өкілдері, университет студенттері қатысты.
Фестиваль жайлы толық бейнематериалдарды AlFarabi TV ютуб арнасынан көре аласыздар.
#Turkbelgeselfimfest #AlFarabiUniversity #TRCKazNU
