44 günlük Vətən Mühribəsi Ermənistanın hərbi kapitulyasiyası ilə başa çatıb. Lakin mənfur düşəmin illər uzunu işğalda saxladıqları torpaqlarımızı kütləvi minalaması xeyli mülki vətəndaşımızın ölməsi və ya ağır yaralanması ilə nəticələnir. Bir sözlə, düşmənin terroru davam edir. Azərbaycan vətəndaşlarının ərazilərə icazəsiz keçməsi isə vəziyyəti daha da gərginləşdirir. Çünki, bəzən insanlar ata-baba yurdunu, dogma torpağını ziyarət etmək üçün bu ərazilərə qanunsuz səfərlər edirlər. Bunun nəticəsi isə ağır olur. Düşmənin ərazilərə kütləvi səpələdiyi minlara düşənlər ən yaxşı halda ömürlük əlil qalırlar.
Düşmənin mina terrorunun qurbanlarından biri də Niyaməddin Verdiyevdir. N. Verdiyev 1976-cı ildə Tərtərin Borsunlu kəndində anadan olub. Bu ilin fevralın 22-də doğulduğu kəndin ərazisində keçmiş erməni mövqelərinə yaxın otlaq sahədə heyvan otararkən minaya düşüb. Ayağını itirən Niyaməddin indi etdiyi ehtiyyatsızlıqdan peşmandır. Tərtər sakini vətəndaşlarımızdan, xüsusilə də əslən Qarabağdan olan insanlardan son dərəcə diqqətli olmağı, bu ərazilərə icazəsiz səfərlərdən çəinməyi tövsiyyə edir. Trend TV-nin mina qurbanının evindən hazırladığı videoreportajı təqdim edirik.
