Këto janë momentet kur nga rrënojat e ndërtesave të shkatërruara në Antakja nxirren të gjallë dy djem të rinj. 26-vjeçari Mehmet Ali Shakirollu dhe Mustafa Avxhi 34 vjeç mbijetuan nën mbetjet inerte të shtëpive të tyre për 261 orë, ose më shumë se 10 ditë, në kufijtë e të paimagjinueshmes, një tjetër dëshmi se mes tragjedisë më të rëndë të historisë së Turqisë moderne po ndodhin edhe mrekulli.
Ndër gjërat e para që Mustafa Avxhi kërkoi ishte të fliste me prindërit të telefon të cilët po ashtu i mbijetuan lëkundjeve të fuqishme. Në shenjë mirënjohjeje u puthi dorën mjekëve që nisën të kujdeseshin menjëherë për të.
Operacionet e kërkim shpëtimit në Turqi dhe Siri hynë këtë të premte në ditën e 12. Bilanci i përgjithshëm i viktimave është thelluar në mbi 44 mijë, ndër të cilët 38 mijë në Turqi dhe 5800 në Siri.
Kombet e Bashkuara bënë thirrje për grumbullimin e një fondi ndihme prej 1 miliard Dollarësh për operacionet e shpëtimit në Turqi, ndërsa për Sirinë sipas tyre, nevojë emergjence janë 400 milionë.
Vetëm në Turqi përllogariten mbi 50 mijë ndërtesa të pabanueshme, të cilat duhen shkatërruar për t’u rindërtuar.
Në nderim të viktimave të tërmetit, statuja e famshme e Krishtit Shpëtimtar në Rio de Zhaneiro u ndriçua natën e kaluar me ngjyrat flamujve të Turqisë dhe Sirisë.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
