Қозоғистоннинг Ақтўбе вилоятида 22 июн куни ағдарилиб кетган автобус видеоси пайдо бўлди. Ҳалокатда 9 ўзбекистонлик ҳалок бўлган, 17 нафари жароҳатланган эди.
Автобусда 52 киши бўлган. Ҳайдовчилардан ташқари 50 нафар йўловчи ўзбекистонлик мигрантлар бўлган.
Россиянинг Волгодград шаҳридан Қозоғистоннинг Чимкент шаҳрига келаётган автобусдаги ўзбекистонликларни асосан ёшлар ташкил қилган.
Ҳалокат юзасидан Ўзбекистон ҳукумати илк марта ўз муносабатини билдирган.
Уларнинг номлари келтирилган ва ҳалок бўлганларнинг яқинларига расмий ҳамдардлик билдирилган.
Ақтўбедан майитларни олиб келиш учун махсус учоқ юборилган. Жабрланганларнинг беш нафари шифохонага ётқизилган.
Би-би-си Ўзбек хизматининг видеоларини www.bbcuzbek.com да ҳам кўришингиз мумкин.
Ещё видео!