එම්.වී.හේමපාල මහතාගේ (තලේ) අවසන් කටයුතු 2022-06-23
M.V Hemapala(Thale)Sri Lanka's first teledrama camera director (Dimuthu Muthu teledrama)#1941 වසරේ ජූලි 26 උපන් එම්.වී. හේමපාල මුල් ගම ගාල්ල පිලාන
තලහිටියාව වත්ත ය.
රූපවාහිනී ක්ෂෙත්රයේ සහෘදයන්
එම්.වී. හේමපාල හඳුන්වන්නට උපන්
ගමේ නම වූ තලහිටියාවවත්ත
කොටසක් එක් කොට හේමපාල (තලේ) ලෙස හැඳින්වීය.
පසුව ඔහුගේ නිර්මාණයන්හි නාමාවලීන්හි ද සඳහන් වුයේ වරහන් තුල "තලේ" යන නාමයද සහිතව ය.
තලේ, ඉහළ තලේ, පහළ තලේ සැමගේ ආදරය දිනා ගත්තේ කිසිදු ශිල්පී
තලේකට නොවෙනස්ව තම ආදරය ලබා දුන්නේ ය. ඒ තලේ අයියාගේ හැටි ය.
නම "තලේ" වුවත් තලේගෙන් කිසිවෙකුත් කැපුනේ නැත. කැපිලි කෙටිලි අනන්ත වූ කලා ක්ෂේත්රයේ ඔහු නවකයන්ට උදව් කරමින්, ප්රවීනයන්ට ගරු කරමින්, සම කාලිනයන්ට සුහද වෙමින් කටයුතු කළේය.
#ඔහු සුගතපාල ද සිල්වා මහතා ඇසුරෙන් නිර්මාණ ක්ෂේත්රයට පිවිසෙන්නේ කාර්මික ශිල්පියෙකු වශයෙනි.
සිනමාවේ,රුපවාහිනි නිර්මාණයන්හි ගුරුවරයා වන්නේ
ඩී.බී. නිහාල්සිංහයන් ය.
තාක්ෂණය නොදියුණු 70-80 දශකයේ, නිහාල්සිංහයන් විසින් අධ්යක්ෂණය කල වැලිකතර චිත්රපටයේ සහාය කැමරාශිල්පියා ලෙස කටයුතු කලේ
තලේ අයියා ය.
ලංකාවේ පළමු ටෙලිනාට්ය නිර්මාණය ඩී.බී. නිහාල්සිංහයන්ගේ
දිමුතු මුතු ය.
එහි කැමරා අධ්යක්ෂවරයා
තලේ අයියා ය.
පසුව නිහාල්සිංහයන් ගේ ටෙලිසිනේ ආයතනයේ සේවය කල වී. හේමපාල (තලේ) 1997 වසරේ ස්වර්ණවාහිනිය ආරම්භයත් සමග එහි ප්රථම කැමරා ශිල්පියා ලෙස එකතු විය.
ඒ අනුව ස්වර්ණවාහිනි මුල්ම කැමරා ශිල්පියා වන්නේ ද එම් .වී. හේමපාල හෙවත් තලේ අයියා ය.
තලේ අයියා රූපවාහිනී ක්ෂේත්රය තුල සියළු දෙනාගේ ආදරය දිනා ගත් කැමරාශිල්පීයෙකි.
ඔහු නිෂ්පාදන කන්ඩායමේ සේවය කළ සියල්ලන් සමගම සහයෝගයෙන්,
මිත්රශීලීව කටයුතු කළේය.
සවර්ණවාහිනියේ බොහෝ වැඩසටහන් සඳහා ඔහු කැමරාකරණයෙන්
දායක විය.
වැලිකතර සිනමා නිර්මාණ සිට සැනකෙලිය,
චන්ඩිපුතා, සිරිල් මල්ලි, මුතු මැණිකේ, කෙලිමඩල,රිදි නිම්නය, කිවූලේගෙදර මොහෙට්ටාල,තුත්තිරි මල් ආදී සිනමා නිර්මාණ 25 කට අධික සංඛ්යාවක් සඳහා කැමරා අධ්යක්ෂණය කල තලේ අයියා දිමුතු මුතු,
සුදු සහ කලු, රේඛා, සුළග වැනි ටෙලි නිර්මාණ 20 කට අධික ප්රමාණයකට සිය කැමරා ඇස ලබා දුන්නේය.
1987 වසරේදී කෙළිමඩල චිත්රපටයේ කැමරා අධ්යක්ෂණය වෙනුවෙන් ජනාධිපති සම්මානය සහ සරසවි සම්මානය ලබා ගන්නට ඔහු සමත් විය. රේඛා ටෙලි නාට්යයේ හොඳම ආලෝකකරණය මෙන්ම දිමුතු මුතු,
සුදු සහ කළු සඳහා ද සම්මානයට පාත්රවූ තලේ අයියා වසරේ දක්ෂතම කැමරාකරණය වෙනුවෙන් ද රුපවාහිනී සම්මානයෙන් පිදුම් ලබා ඇත.
මාවැල්ල විතානගේ හේමපාල (තලේ) මහතා වසර හැත්තෑ හයක් ආයු වළඳා අප අතරින් සමු ගත්තේ ය.
ශ්රී ලංකාවේ රූපවාහිනී ක්ෂෙත්රයේ ඉන්දීය කැමරා සහ ආලෝකකරණ ආකෘතිය වෙනුවට ශ්රී ලාංකේය හැඩයක් සටහන් කිරීමට දායක වූ ඔබට අපේ ගෞරවනීය උපහාරය පුදමු.
එම්.වී.හේමපාල (තලේ)
අයියේ ඔබට නිවන් සුව අත්වේවා.
අංක,375/1-1
කන්දහේන,
පෝරුවදන්ඩ,
රත්මල්ගොඩ.
නිවසේ තැන්පත් කර ඇත.
0779262766
Ещё видео!