24 fevral 2024 cü il tarixində Zəfəran Hospitalda məhşur laparoskopik bariatric metabolic cərrah Aslan Abdulla son bir il ərzində əməliyyat etdiyi pasientlərlə “Sağlam Qida Borusu” adlı İllik Qastroezofagial Laparoskopik Cərrahiyyə adlı görüş keçirtdi.
Qastroezofagial reflüks xəstəliyi və qida borusu axalaziyası üzrə laparoskopik əməliyyatların illik nəticələrinə həsr olunmuş illik toplantıda iştirak edən xeyli sayda xəstələr və onların bir qisminin yaxınları görüşdə digər xəstələrlə yenidən əlaqələr qurub, təcrübə mübadiləsi apardılar, müalicə və əməliyyatdan sonrakı davranış qaydaları haqqında mövcud olan ən son nailiyyətləri öyrəndilər. Toplantıda doctor Aslan Abdulla əvvəlcə Azərbaycanda belə xəstəlikdən əziyyət çəkən insanların xeyli sayda olduğunu vurğulayaraq xəstəlik və onun əməliyyat olunmasının zəruriliyindən danışdı. Uzun müddət dərmanla müalicənin mümkün fəsadları, həmçinin əməliyyatın texnikası, necə apatılması və əməliyyatdan sonrakı həyat tərzi barədə məlumat verdi. Ardınca dr.Aslan Abdulla tərəfindən əməliyyat olunmuş xəstələr öz ürək sözlərini bölüşdülər, məmnunluqlarını ifadə etdilər.
