شاعر: امير حمزه خان شينواری
سندرغاړی: سردار علي ټکر
ـــــــــــــ
د هستۍ له درانه بار که روګردان شې
په خپل ځان باندې په خپله به تاوان شې
د عالم په حقيقت کې سرګردانه
ته له ځمکې وتی نشې که اسمان شې
حيرانتيا دې لا نشان د ماشومتوب دی
خپل جوهر به هله ووينې چې ځوان شې
د عالم نظام چې جوړ دی له اضدادو
ځکه ته چا سره جوړ چا سره وران شې
دا شريکه دنيا واړه ځان ته غواړې
ځکه داسې په دنيا کې ځان په ځان شې
د مذهب دعوا دې مکړه سړيخوره
ستا دعوا هله صحيح ده چې انسان شې
ــــــــــــــــــــــــــــــــــــــ
Ensaniat | Ameer Hamza Khan Shinwari | Sardar Ali Takkar | انسانيت | حمزه بابا | سردارعلي ټکر
ــــــــــــــــــــــــــــــــــــــ
pashto ghazal hamza baba
pashto ghazal
pashto poetry
pashto poetry shayari
Ещё видео!