Kölgə iqtisadiyyatı özünü müxtəlif sahələrdə göstərir. Kölgə iqtisadiyyatının vətəndaşların həyatına necə təsir etməsindən də danışırıq. Demək, kölgə iqtisadiyyatı fəaliyyətin, gəlirin dövlətdən gizlədilməsi, əldə olunan mənfəətin vergisinin verilməməsidir. Kölgə iqtisadiyyatı özünü fərdi sahibkarlıqda da göstərə bilər, şirkət müəssisə daxilində də göstərə bilər. Məsələn şəxsin bir və ya bir neçə evi var, kirayə verir və gəlir götürür. Bu gəlirini dövlətdən gizlədir, qazancının vergisini vermir. Və ya kimsə evində gözəllik salonu açır, xidmət göstərir vergisini vermir. Müəllimlər ola bilər ki, uşaq hazırlaşdırır amma əldə etdiyi gəliri dövlətə bildirmir, və ya kimsə evində yemək, şirniyyat sifarişləri hazırlayır, kimsə təmizliyə gedir və s. misallar çoxdur. Fəaliyyətdəsənsə və gəlir əldə edib bunu bildirmirsənsə bu kölgə iqtisadiyyatına aiddir. Müəssisə daxilində də kölgə iqtisadiyyatına rast gəlmək olur. Müqaviləsiz işçi götürülür, az maaşla işlədilir, siğortası, vergisi ödənilmir. Və ya hansısa ticarət mərkəzində, restoranda, marketdə alış veriş zamanı ödnilən məbləğ çekə vurulmur. Əldə olunan gəlir gizlədilir. Bunlar hamısı kölgə iqtisadiyyatına aiddir. Bəs bunun vətəndaşlara vurduğu zərər nədir? Birinci halda gəlirini göstərməyən adam işsiz kimi qeydiyyatdadır. Ona kredit verilmir, ipoteka və ya lizinq əldə edə bilmir, ölkədən çıxmağa viza lazımdırsa ala bilmir və s. əngəllərlə rastlaşırlar. Gizli şəkildə işləyib vergi verməyən işçilərə gəldikdə onların müqaviləsi olmur, gələcəkdə pensiyası olmur, onlar da kreditləşmə və digər şeylərdən yararlana bilmirlər çünki işsiz statusunda olurlar. İş yerində bir hadisə baş versə siğortası olmadığından xərclərini özü qarşılamalı olur. Üstəlik kölgə iqtisadiyyatı zamanı büdcəyə vergi daxil olmur deyə bu da öz növbəsində ölkə üzrə maaşların artmasına, pensiyaların, müavinətlərin yüksəlməsinə mane olur. Dövlət büdcəsinə nə qədər çox vergi daxil olarsa, bir o qədər də insanların rifahı yüksəlir.
Kanala abunə ol - [ Ссылка ]
Bizə maddi dəstək ol [ Ссылка ]
WebSite: [ Ссылка ]
Facebook: [ Ссылка ]
Twitter: [ Ссылка ]
Google+ [ Ссылка ]
İnstagram: [ Ссылка ]
__________________________________________________________________
Xəbərdən çox xəbər var. Çəkin göndərin yayımlayaq - Whatsapp : +4915777662277
