"Селекторот на македонската фудбалска репрезентација Џон Тошак го ослободи Горан Попов. По лекарските прегледи од страна на доктор Камиловски, беше утврдено дека дефанзивецот има сериозна повреда и тој ќе се врати на лекување во Киев, што значи дека нема да настапи на пријателскиот меч против Албанија кој ќе се одигра на 15-ти овој месец во Прилеп.Што се однесува до Иван Тричковски , по направеното испитување заклучено е да остане со репрезентацијата до сабота кога д-р Камиловски ќе одлучи за сериозноста на повредата и дали напаѓачот на АПОЕЛ ќе може да настапи против Албанија.Останатите репрезентативци кои се жалеа на поситни повреди, како што се Пандев, Пачовски, Шумуликоски и Новески, според последните информации од стручниот штаб на репрезентацијата ќе бидат подготвени и ќе настапат на овој натпревар.Од денеска нашата експедиција ќе биде во Охрид каде на Билјанини Извори ќе се подготвува за дуелот со Албанија.
"
