Yağış yağır, yaz yağışı, yağ ay yağış,
Yağgınan sən, sənə əhsən, sənə alqış, yağ ay yağış,
Yağgınan sən, bu çöllərə, çəmənlərə yağgınan sən,
Susuzluqdan xəzan olan çiçəklərə yağgınan sən,
Yağgınan sən arzulara, diləylərə yağgınan sən,
Məhəbbətdən alovlanan ürəklərə yağgınan sən,
Yağgınan sən, yağa-yağa islatgınan paltarımı,
Qaytar mənə gənclikdə ki, öz əhdimi, ilqarımı,
Elə yağ ki, qoy islansın əlimdəki qələm, vərəq,
Yadımdadı nəcə yağdın, düz otuz il bundan qabaq,
Elə gözəl yağmışdın ki, islanmışdı üz-gözümüz,
Oturmuşduq qala altında, bir palıdın altında biz,
Sən yağdıqca, damcıların səpilirdi üzümüzə,
İkimizdə isləmirdik durub gedək evimizə,
Qorxurduq ki, durub getsək, xələl gələr sevgimizə,
Sən elə bir şersən ki, sən elə bir nəğməsən ki,
Ağzın yoxdu, dilin yoxdu, necə deyim, biləsən ki,
Sən yağanda yamaclara, düzənlərə can verirsən,
Zəmilərdə zümbüllərin damarına qan verirsən.
Yağ ey yağış, qurban olum səhərəcən yağginən sən,
Dayanmadan, qala altıdan, şəhərəcən yağginən sən.
Yağgınan ki, giləzidə şoran düzlər çiçək açsın,
Bu ölkədən, bu diyardan, qüssə-kədər uzaq qaçsın,
Yağa-yağa nə olar ki, xəbər apar sevgilimə,
Aman gündü bu halımı, bu günümü ona demə,
Döyə-döyə pencərəsin, deginən ki, gəlibdi yaz,
Qala altında həsrətilə yol gözləyir Yetim Eyvaz.
[ Ссылка ]
#turkey #azerbaycan #music #ses #söz #tarkan #kibariye #istanbul #izmir #ankara #tabriz #karabakhisazerbaijan #duygusalsözler #sevgi #aşk #qezəl #meyxana #mahnılar
![](https://i.ytimg.com/vi/WhNH-MnDyL8/mqdefault.jpg)