Երգ №680
1. Արթնացա մի օր Քո իսկ պարգևած արևի շողից
Ու հանդիպեցի ինձ մահի տանող ահեղ փորձության,
Բայց բարի սիրտդ, հոգատար ձեռքդ խղճաց ինձ վերից
Եվ փայփայելով ու մեղմ շոյելով` տարավ փրկության:

Այդքանից հետո էլ ո՞ւր գնամ ես, Հա՛յր իմ գթառատ,
Եվ արցունքներով ինչպե՞ս չլվամ վերքը ոտքերիդ,
Աղաչում եմ Քեզ, ինձ մի՛ թույլատրիր կյանք շքեղ, առատ,
Եթե մարմինս նորից կդառնա տաճար կուռքերի:

2. Այդ օրից ի վեր մի փափագ ունեմ, Փրկի՛չ, սիրելի՛ս,
Հասնեմ Գողգոթա, ծնկաչոք փարվեմ ոտքերիդ գամված
Հայացքս ուղղեմ տառապած դեմքիդ, Հիսո՛ւս, սիրելի՛ս,
Ու Քո մեջ տեսնեմ նվաստիս անձը՝ մեղքից ազատված:

3. Եվ ահա կրկին Քո առջև գալով` թույլ ու անկարող,
Կուզեմ ամեն օր իմ աղաչանքը Քեզ հայտնի լինի:
Հավատք ու սեր եմ խնդրում Քեզանից, Ամենակարո՛ղ,
Որ չմոռանամ արյանդ գործը, Հիսո՛ւս պաշտելի: (2)

▶️ [ Ссылка ]...
🌐 [ Ссылка ]
✉️ hogevor.erger@gmail.com
🎤 Կատարող՝ Ֆրունզ Արսենյան 2020
✝️ Տիրոջը նոր երգ երգեցէք.
Երգեցէք Տիրոջը ամեն երկիր։
Սաղմոս 96:1
©️ ՀՈԳԵՎՈՐ ԵՐԳԵՐ 2020


#ԱրթնացաՄիՕր #ArtnacaMiOr
#ՀոգևորԵրգեր #HogevorErger

свернуть