Թերևս, բոլորս էլ բախվել ենք ոչ թարմ շնչառության խնդրի հետ: Որոշ դեպքերում այն կարող է դառնալ իրական մղձավանջ և կյանքը դարձնել անտանելի: Բարեբախտաբար, մենք գիտենք դրանից ազատվելու եղանակները:
Հաճախ մաքրեք ատամները
Բերանի հոտի հիմնական պատճառն ատամնափառն է, որտեղ կուտակվում են մանրէները: Ուստի, ատամները պետք է մաքրել առնվազն օրական 2 անգամ: Հնարավորության դեպքում, մաքրեք ատամներն ամեն անգամ ուտելուց հետո, սակայն չափը շատ մի անցեք, հակառակ դեպքում կարող եք վնասել ատամների էմալը:
Մաքրեք լեզվի վրայի փառը
Լեզվի վրա, ինչես որ ատամների վրա, կուտակվում է փառ, որը պարունակում է մանրէներ: Այն հեռացնելու համար ատամները լվանալու ժամանակ ատամի խոզանակը զգուշորեն անցկացրեք լեզվի վրայով: Եթե խոզանակը տհաճ զգացողություններ է առաջացնում, օգտագործեք լեզվի համար նախատեսված հատուկ քերիչ, որը թույլ է տալիս հեռացնել փառը, մանրէները և սննդի մնացորդները:
Ուշադիր եղեք սննդի հանդեպ
Սոխի և սխտորի նման մթերքները կարող են զրկել ձեզ թարմ շնչառությունից երկար ժամանակով, և ատամի խոզանակն այստեղ չի օգնի: Դրանց մեջ պարունակվող ցնդող նյութերը անցնում են արյան մեջ և արտաշնչվող օդի հետ դուրս բերվում շրջակա միջավայր: Եթե դուք կարևոր հանդիպում ունեք, պետք է հրաժարվեք սոխից և սխտորից:
Հրաժարվեք ծխելու վնասակար սովորությունից
Բերանի հոտը ևս մեկ պատճառ է ծխելուց հրաժարվելու համար: Ծխելը վնասում է լնդերը, վնասում էմալը և ավելացնում է բերանի խոռոչի քաղցկեղի զարգացման հավանականությունը: Ներկայումս դեղատներում կարելի է գտնել զանազան միջոցներ, որոնք կօգնեն ազատվել այդ վնասակար սովորությունից:
Ողողեք բերանը
Ատամները մաքրելուց հետո ողողեք բերանը հակաբակտերիալ լուծույթով: Եթե հնարավորություն չկաամեն անգամ ուտելուց հետո ատամները լվանալ, կարելի է պարցապես բերանի խոռոչը ողողել ջրով սննդի մնացորդները հեռացնելու համար:
Մաստակ ծամեք
Թարմացնող կոնֆետները պարունակում են շաքար, որը նպաստում է մանրէների բազմացմանը: Թարմացնող կոնֆետների փոխարեն՝ առանց շաքարի մաստակ ծամեք: Այն խթանում է թքի արտադրությունը, որը մաքրում է ատամնափառը և վերադարձնում է շնչառության թարմությունը:
Հոգ տարեք լնդերի մասին
Ոչ թարմ շնչառության պատճառ հաճախ դառնում են լնդերի հիվանդությունները: Սնունդը մտնում է լնդի և ատամի արանքը՝ հանգեցնելով բերանի տհաճ հոտի առաջացմանը: Եթե ձեզ անհանգստացնում է այս խնդիրը, դիմեք ատամնաբույժին:
Խոնավեցրեք բերանի խոռոչը
Բերանի տհաճ հոտը կարող է պայմանավորված լինել թքի ոչ բավարար քանակությամբ: Եթե դուք զգում եք բերանի չորություն, շատ ջուր խմեք կամ ծամոն ծամեք, տանը տեղադրեք օդը խոնավեցնող սարք
Դիմեք բժշկի
Եթե, չնայած ձեր բոլոր ջանքերին, բերանի տհաճ հոտը պահպանվում է, դիմեք բժշկի: Հնարավոր է, որ բերանի տհաճ հոտը հիվանդության հետևանք է:
![](https://s2.save4k.ru/pic/bTvWtWq8OsM/maxresdefault.jpg)