Düzdür, indi bu ifadə coğrafi arealdan daha çox fikri əhatə dairəsinin məhdudluğunu bildirir, lakin, mən coğrafi anlamda deyirəm: “Biləcəridən o yana haranı gəzmisiniz?” Sözün həqiqi mənasında, “gəzmək”, “görmək” deyəndə hansı səyahətiniz yadınıza düşür? Yəqin ki, bu yerlər barmaqla sayılası qədərdir. Çünki, həyatımız bütün Yer kürəsini gəzəcək qədər uzun deyil. Amma, nə vaxtsa bu cür şansımızın olmayacağına kim zəmanət verə bilər ki?! Əgər bir gün bütün Yer kürəsini gəzmək imkanınız olsa, ilk olaraq haraya getmək istərsiniz? Sualımıza cavabı rəydə yaza bilərsiniz. Mən isə öz növbəmdə planetimizdə mütləq görməli olduğunuz yerlər haqda danışacağam... Təbii ki, dünya turuna çıxmaq şansınız olarsa, bu videoya təkrar baxa bilərsiniz. Beləliklə, başlayaq, Yer kürəsinin 19 ən maraqlı nöqtəsi...

19. Küplər vadisi. Laosun Xienq Kxuanq əyalətində, dəniz səviyyəsindən 1000 m hündürlükdə yerləşir. Burda hündürlüyü 1 m-dən 3,5 m-dək dəyişən, diametrləri 1 m olan yüzlərlə daş küp var. Küplərin mənşəyi, yəni kim tərəfindən, nə məqsədlə hazırlandığı məlum deyil. Yerli əhali bu küpləri “cadugərin həvəngdəstəsi” adlandırır. 3000 ilə yaxın yaşı olan küplərin hazırlandığı süxur daşları onların yerləşdiyi əraziyə xas deyil. Vadi dövlət tərəfindən mühafizə olunur.

18. Pişiklər adası. Söhbət Yaponiyanın İsinomaki şəhərinin bir hissəsi sayılan Taşiro adasından gedir. Adada yerləşən Oodomari və Nitoda qəsəbələri arasında Pişik məbədi var. Adanın yerli əhalisi qədim zamanlardan ipəkçiliklə məşğul olub. Siçovullar onların sənayesinə böyük zərbə vurub. Lakin, pişiklər də siçovullara qənim kəsilib. Buna görə də adada pişiklərə rəğbət bəslənir. Adada pişiklərin sayı insanların sayından çoxdur. Taşiro`ya it gətirmək qadağandır.

17. Eaglehawk Neck. Avstraliyanın Tasmaniya və Forestier adalarını birləşdirən ərazidir. Qeyri-adi geoloji quruluşa malik olan bu ərazinin Yer qabığının erroziyası nəticəsində yarandığı güman edilir. Burada kiçik qəsəbə də var. 2011-ci ildəki məlumata əsasən qəsəbənin 338 nəfər əhalisi olub. Eaglehawk Neck`ə səyahət edən hər kəs burada təbii möhtəşəmliklə üz-üzə qalacaq...

16. Wave Fied- Dalğa tarlası. ABŞ-ın Miçiqan ştatında, Miçiqan Universitetinin şimal kampusunda yerləşir. Müəllifi rəssam Maya Lin`dir. Maya Lin Vaşinqtondakı Vyetnam Veteranlarının memorial abidəsinin tərtibçisi kimi daha məhşurdur. Yolunuz bu Dalğa tarlasına düşsə, əsrarəngiz hisslərinizi əbədiləşdirməyi, şəkil çəkdirməyi unutmayın.

15. Oymyakon. Rusiyada yerləşən bu kənd dünyanın ən soyuq insan məskənidir. -71 dərəcə soyuqda sağ qalmaq hər insanın hünəri deyil. Dəniz səviyyəsindən 750 m hündürlükdə yerləşən kəndin əhalisi 500 nəfərə yaxındır. Oymyakonda avtomobil mühərrikləri daim işlək vəziyyətdə olmalıdır. Yoxsa, yenidən avtomobilinizi işə sala bilməzsiniz.

14. PL Sülh Qülləsi. Yaponiyada, Osaka şəhərindədir. 180 m hündürlüyü olan qüllə 1970-ci ildə inşa edilib. Bütün dünyanın müharibə qurbanlarının xatirəsinə ucaldılıb. Hər il avqustun 1-i qülləni ziyarət etmək, müharibədə ölənlərin ruhuna dua oxumaq üçün Osakaya minlərlə insan gəlir.

13. Lemnos adası. Ada vulkanik mənşəlidir. Adanın əsrarəngiz sahilləri, rahat otelləri ilə yanaşı mifoloji tarixi də diqqət mərkəzindədir. Yunan mifologiyasına görə, Lemnos Od tanrısı Hefest`in adasıdır. Burdakı vulkanik daşlar bu gün bütün dünyadan adaya tursitlərin axınına səbəb olur. Necə deyiblər, “yüz eşitməkdənsə, bir görmək yaxşıdır”.

12. Sokotra adası.
11. La Equis.

10. Göyqurşağı dağı.
9. Balanslaşdırıcı daşlar

8. Kainay gölü
7. Thor şəlaləsi.
6. Salin Aigues-Mortes
5. Yeddi sehrli sütun
4. Witch şəlaləsi.

3. Meduza gölü.
2. Hitachi Seaside park.
1.Pişik dağı. Ukraynada yerləşir.

свернуть