Թուրքիայում կրթական համակարգը կառավարվում է պետության կողմից, և երիտասարդները հնարավորություն չունեն ծանոթանալու պատմությանն ու իրականությանը և շարունակաբար ժխտող սերունդ է դաստիարակվում: Այս մասին հայտարարել է Իզմիր բժշկական համալսարանի պրոֆեսոր Մուսթաֆա Չեմ Թերզին: Թեև խոչընդոտներն ու զավեշտալի դեպքերը շատ էին, սակայն թուրք պրոֆեսորն իր պարտքը կատարեց՝ ներողություն խնդրեց հայերից Ցեղասպանության համար, Արարատը տեսավ, Ծիծեռնակաբերդի հուշահամալիրում ծաղիկներ խոնարհեց, զարմացավ տաքսու վարորդի հուզիչ արարքից և հեռացավ Հայաստանից հիացական տպավորություններով:
