Жаз шыға кәмелеттік жасқа толмаған жасөспірімдердің еңбек маусымы басталады. Заңдысы бар, заңға келмейтіні бар. Ал олардың құқығы қаншалықты қорғалған? Еңбегіне лайықты жалақысын алып жүр ме? Осы мақсатта құқық қорғау қызметкерлері арнайы рейд жүргізді.
Еңбек шартына сәйкес бала 16 жастан жұмысқа орналаса алады. Ал 14-15 жастағылардың жұмыс істеуі үшін жеке заңнама қарастырылған. Жұмыс олардың денсаулығына зақым келтірмеуі керек. Оқудан бос уақытында, оқу процесіне кедергі келтірмейтін қызметке рұқсат. Сондай-ақ қосымша заңды өкілдің келісімі болуы тиіс. Болмаған жағдайда жауапты ата-ана. Заңға бағынбағандарға әкімшілік айыппұл қарастырылған. Бұл туралы аға инспектор Азамат Мамырқанов былай дейді:
Жыл сайын 1 маусым балаларды қорғау күнінен бастап дәл осындай рейд жұмыстары жүйелі жүргізіледі. 12 күнге созылатын тексеру шарасы кезінде демалыс орындары, саябақтар, құрылыс алаңдары, базар, сауда-саттық орындары бақылауға алынады.
Рейд барысында қос тарап арасындағы келісімшарттары тексеріліп, жұмыс берушілерге ескерту жасалып, жасөспірімдерге түсіндірме жұмыстары жүргізілді.

свернуть