මීටර් 400 ධාවන පථයක් හඳුන්වා දීම
ධාවන පථයක් යනු :- සරල රේඛීය කොටස් දෙකකින්ද වක්රාකාර කොටස් දෙකකින්ද සමන්විත ඉලිප්සාකාර හැඩයකින් යුක්ත වූ සමතලා භූමියක නීතිමය වශයෙන් පිලිගත් නීතිරීති වලට අනුකූලව සකසන ලද භූමිය ධාවන පථයක් වේ.
මීටර් 400 සම්මත ධාවන පථයක ප්රධාන ලක්ෂණ
• මීටර් 400ක දුරක් තිබිය යුතුය.
• දුර මීටර් 84.39ක් වූ සමාන හා සමාන්තර සෘජු පැති දෙකක් තිබිය යුතුය.
• මීටර් 36.50ක් වූ සමාන අරයකින් යුත් අර්ධ වෘත්තාකාර කොටස් දෙකක් තිබිය යුතුය.
• අවම මන්තීරු සංඛ්යාව 08ක් විය යුතුය.
• මන්තීරුවක පළල මීටර් 1.22 (මීටර් 1.22+ 0.01 හෝ -0.01) විය යුතුය.
• සෑම රේඛාවකම පළල සෙමී 05ක් විය යුතු අතර, සෑම මන්තීරු රේඛාවක්ම (අනෙකුත් වර්ණ සළකුණු හැර) සුදු පැහැයෙන් යුක්ත විය යුතුය.
• කෘතීම ධාවන පථයක ඇතුලත මන්තීරුවේ ඇතුලත රේඛාව මත සෙමී 05ක් උස්වූ ගැටියක් තිබිය යුතුය. පහත රූප සටහන 01 හි දක්වා ඇති පරිදි එම ගැටි නොමැති ස්ථාන වල සෙමී 20ක් උස වූ කේතු(Cones)තිබිය යුතුය.ඒවා සෙමී 4න් 4ක පරතරයකින් තැබිය යුතුය.(බාධක දිවීමේ දී ගැටිය ඉවත් කල ස්ථාන වල)
• ධාවන පථයේ අර්ධ වෘතාකාර කොටස් භූමියේ උතුරු හා දකුණු දිශාවන්ට පිහිටන සේ නිර්මාණය කල යුතුය.
• ප්රේක්ෂකාගාරය හැකි සෑම විටම බස්නාහිර දිශාවෙන් පිහිටා තිබෙන පරිදි විය යුතුය.
• ධාවන පථයේ පිටත සිට ඇතුලත තිබිය හැකි උපරිම බැස්ම 1:100 වන අතර දුවන දිශාවට තිබිය හැකි උපරිම බැස්ම 1:1000 වේ.
• තෘණ සහිත ධාවන පථයක ඇතුලත ගැටියක් නොමැති අවස්ථාවක මීටර් 05න් 05ට කොඩි සිටුවිය යුතු අතර මේවා ඇතුලත මන්තීරුවේ ඇතුලත රේඛාව මත සිටුවා (ධාවන පථයෙන් ඉවතට 600ක ආනතියක් සහිතව කොඩියේ දිග සෙමී 25 X සෙමී පළල 20 හා උස සෙමී 45ක් පමණ කණුවක) තිබිය යුතුය.
• ධාවන පථයේ ක්රීඩකයෙකු දුවන දුර ගණනය කිරීමේ දී පහත රූප සටහන 02 හි දක්වා ඇති පරිදි ගැටියක් හෝ කොඩි ගසා ඇති විට පළමු මන්තීරුවේ ඇතුළත රේඛාවට සෙමී 30ක් ඈතින්ද අනෙකුත් මන්තීරු වල සෙමී 20ක් ඈතින්ද දුවන සේ සළකණු ලැබේ.
• තරඟයක ධාවනදුර මැනීමේ දී එය මනිනු ලබන්නේ, පහත රූප සටහන 03 හි දක්වා ඇති පරිදි ආරම්භක රේඛාවේ සිට තරඟ අවසන් රේඛාවට ඈත නෙත්තියේ සිට අවසන් රේඛාවේ සිට ආරම්භක රේඛාවට මෑත නෙත්තිය දක්වා වේ.
![](https://i.ytimg.com/vi/zK4IY7OcR0s/maxresdefault.jpg)